دیجیتاڵ میدیای سپێده دوای نیوەڕۆی ئەمڕۆ پێنج شەممە بەرواری 14/4/2022 بەرێز مامۆستا سەلاحەدین محەممەد بەهائەدین ئەمینداری گشتی یەكگرتووی ئیسلامی كوردستان بە یاوەری شاندێكی ئەنجومەنی جێبەجێكردن و سەركردایەتی پێشوازی لە بەرێز د. ئەیاد سامەڕائی سەرۆكی ئەنجومەنی شورای حزبی ئیسلامی كرد. لەدیدارەكەدا بارودۆخی هەرێمی كوردستان و عێراق و ناوچەكە بە گشتی گفتوگۆی لە بارەوە كرایەوە، هەردوولا هاوڕابوون لەسەر زەرورەتی كۆتایی هێنان بە ناكۆكی و رزگاركردنی پرۆسەی سیاسی عێراق و داخراوەیی یەی تووشی هاتووە . لەسەر پەیوەندیەكانی هەردوو حزب جەختیان كردەوە لەسەر پەرەپێدان و بەردەوامی.