دیجیتاڵ میدیای سپێده
وتەبێژی كۆمەڵەی بەنزینخانەكانی سلێمانی ڕایدەگەیەنێت: لە هەر سێ جۆرەكەی بەنزین بڕی ٢٥ دینار داده‌به‌زێت و هۆكارەكەشی بۆ دابەزینی بۆرسە و كەمی خواست دەگەڕێتەوە.
بەهمەن قادر وتەبێژی كۆمەڵەی بەنزینخانەكانی سلێمانی ڕاگەیاند: ئەمڕۆ جارێكی دیكە نرخی بەنزین ٢٥ دینار دابەزیوە و پێشبینی زیاتر دابەزینی نرخەكە دەكەین.
ووتیشی: بەهۆی دابەزینی بۆرسەی جیهانی و كە‌مبوونە‌وە‌ی فرۆشی بەنزین بە رێژە‌ی ٣٠ -٤٠٪ و گرانی نرخە‌كە‌ی و ھاتنی بەنزین لە بە‌غداوە بە رێژە‌یە‌كی بە‌ردە‌وام نرخی بەنزین لە سلێمانی بۆ ھە‌ر لیترێكی ٢٥ دینار دابەزیوە.