دیجیتال میدیای سپێده
وەزارەتی تەندروستی روونكردنه‌وه‌یه‌ك له‌باره‌ی ئه‌وه‌ی كه وەزارەتی تەندروستی حكومەتی هەرێمی كوردستان رێگری لە هاتنی دەرمان كردووە بۆ سلێمانی بڵاوده‌كاته‌وه و رایده‌گه‌یه‌نێت" ئەمەی گوتراوە هیچ ئەصل و ئەساسی نیەو جگە لە مەڕامی سیاسی و ورووژاندنی هەستی هاووڵاتیانی سلێمانی خۆشەویست هیچیتر نیە".
ده‌قی روونكردنه‌وه‌كه:
وەڵامێك و روونكردنەوەیەك لە وەزارەتی تەندروستی بۆ رای گشتی و هاوونیشتمانیان لە پارێزگای سلێمانی سەبارەت بە وتەی پەرلەمانتارێكی عیراق لە فڕاكسیۆنی یەكێتی....
دەربارەی ووتەكانی پەرلەمانتارێكی یەكێتی لە پەرلەمانی عیراق بەناوی بڕیار رەشید كە ئاماژەی بەوە داوە گوایە وەزارەتی تەندروستی حكومەتی هەرێمی كوردستان رێگری لە هاتنی دەرمان كردووە لە بەغداوە بۆ پاریزگای سلێمانی ، لێرەوە بۆ رای گشتی و هاوونیشتمانیانمان لە پارێزگای سلێمانی رادەگەیەنین كە ئەمەی گوتراوە هیچ ئەصل و ئەساسی نیەو جگە لە مەڕامی سیاسی و ورووژاندنی هەستی هاووڵاتیانی سلێمانی خۆشەویست هیچیتر نیە چونكە ناوبراو بێ ئاگاداربوون لە چۆنیەتی هاتنی دەرمان لە بەغداو دابەشكردنی بەسەر پارێزگاكان ئەم قسانەی كردووە ، لێرەوە بە هاووڵاتیان لە هەرێمی كوردستان رادەگەینین كە هاتنی دەرمان لە رێگەی دامەزراوەی كیمادیاوە لە بەغدا راستەوخۆ دەگاتە كۆگای دەرمانی پارێزگاكان و ناگەڕێتەوە كۆگاكانی وەزارەتی تەندروستی تا بەشە دەرمانی پارێزگاكان دیاری بكات . پێدانی بودجەی زیاتری كۆرۆنا كە لەبەغداوە دەگەیشتە هەرێمی كوردستان و دروستكردنی نەخۆشخانەی ئەڵمانی لە هەرێمی كوردستان و لە شاری سلێمانی شایەدی ئەو كارانەن كە ئەنجامدراوە لە پارێزگاكە و بەئەركی خۆشمان دەزانین خزمەتی هەموو پارێزگگاكان بكەین بێ جیاوازی .
د.ئاسۆ حەوێزی
وتەبێژی وەزارەتی تەندروستی
٨ی ئایار ٢٠٢٢