به‌رگری شارستانی سلێمانی رایگه‌یاند: هۆكاری ته‌قینه‌وه‌ی كافتریاكه په‌نگخواردنه‌وه‌ی غاز بووه، وبه‌هۆیه‌وه ژماره‌یه‌ك هاوڵاتی بریندار بوون وبیناكه‌ش خاپور بووه.
به‌رگرى شارستانى سلێمانى ئاماژه‌ى به‌وه‌شكردوه: 80-85%ی بیناكه پاككراوه‌ته‌وه وپشكنینی بۆ كراوه وكه‌سی دیكه‌ی تێدا نه‌بووه، 10-15%ی ماوه بۆ ئه‌وه‌ی بپشكنێرێت تا دڵنیابینه‌وه له‌وه‌ی قوربانی دیكه هه‌یه یاخود نا.
راشیگه‌یاندوه: به‌هۆی ته‌قینه‌وه‌كه‌وه 13 كه‌س برینداربوون، هۆكاره‌كه‌شی په‌نگخواردنه‌وه‌ی غاز بووه نه‌ك ته‌قینی تانكی غاز.
ئه‌و بینایه‌ی ته‌قیوه‌ته‌وه له‌دوو نهۆم پێكهاتووه و زیاتر له‌ساڵێكه كراوه‌ته كافتریا وشه‌وانه خه‌ڵكێكی زۆر سه‌ردانی ده‌كه‌ن.