گوتەبێژی وەزارەتی تەندورستیی و ژینگەی عێراق، سەیف بەدر راگەیاند کە ژمارەی حاڵەتەکانی تووشبوون بە پەتای خوێنبەربوون لەو وڵاتە، بەرزبووەتەوە بۆ ٢٨٩ حاڵەت.
سەیف بەدر لە لێدوانێکدا بۆ ئاژانسی ھەواڵیی فەرمی عێراق بڵاوی کردەوە کە ئاماژەی بەوە داوە، ژمارەی ئەو کەسانەی کە لە عێراق تووشی پەتای خوێنبەربوون بوون، بەرزبووەتەوە بۆ ٢٨٩ کەس.
راشیگەیاندووە کە لەو ژمارەیە، ٥٢ حاڵەتی گیانلەدەستدان بەھۆی پەتاکەوە تۆمارکراوە.
لە ٢٦ی تەمووزی رابردوودا، وەزارەتی تەندروستیی و ژینگەی عێراق یەکەم حاڵەتی گیانلەدەستدانی بە پەتای خوێنبەربوونی ڤایرۆسی راگەیاند.
بەپێی زانیارییەکانی رێکخراوی تەندورستیی جیھانیی، رێژەی گیانلەدەستدان بەھۆی پەتای خوێنبەربوون لەنێو تووشبواندا، دەگاتە لەسەدا ٤٠.
پەتاکە لە رێگای ئاژەڵەوە دەگواسترێتەوە بۆ مرۆڤ و دواتر لە مرۆڤێکەوە بۆ مرۆڤێکی دیکە.