دیجیتاڵ میدیای سپێدە
كه‌مێك به‌ر له نیشتنه‌وه‌یان، دوو فڕۆكه‌ى بچووك له‌سه‌ر فڕۆكه‌خانه‌یه‌كى خۆجێى له ویلایه‌تى كالیفۆرنیا له ئه‌مریكا به‌ریه‌ككه‌وتن و به‌هۆیه‌وه قوربانى گیانى لێكه‌وته‌وه.
به‌ڕێوه‌به‌رایه‌تى فڕۆكه‌وانى شارستانى ئه‌مریكا رایگه‌یاند كه به‌ریه‌ككه‌وتنه‌كه له نێوان فڕۆكه‌ى جۆرى "سیسنا 340" كه دوو كه‌سى تیادابووه، له‌گه‌ڵ فڕۆكه‌یه‌كى دیكه‌ى هه‌مان جۆر كه یه‌ك كه‌سى تیادابووه روویداوه له فڕۆكه‌خانه‌ى "واتسونفیل" كه ده‌كه‌وێته باشوورى شارى "سان فرانسیسكۆ".
لاى خۆیه‌وه به‌ڕێوه‌به‌رایه‌تى شارى "واتسونفیل" رایگه‌یاند كه رووداوه‌كه قوربانى گیانى لێكه‌وتوه‌ته‌وه بێئه‌وه‌ى ژماره‌ى قوربانییه‌كان دیارى بكات. ئاژانسى ئه‌مریكا بۆ سه‌لامه‌تى گواستنه‌وه لێكۆڵینه‌وه‌یه‌كى له‌باره‌ى رووداوه‌كه كردوه‌ته‌وه.