دیجیتال میدیای سپێده
لە ئاکامی بەرکەوتنی هەورەبروسکە، 17 کەس لە ویلایەتی بیهار خۆرهەڵاتی هیندستان گیانیان لەدەست دا.
رۆژنامەی مالینا تایمز بڵاوی کردەوە کە لە ویلایەتی بیهار لە دوای بارانبارینی بەلێزمە، هەورو بروسکە لە چەند ناوچەیەکی داوە و بەهۆیەوە 17 کەس گیانیان لەدەستداوە کە شەشیان کرێکاری کێڵگە بوون.
سەرۆکوەزیرانی ویلایەتەکە، نیتیش کومار نیگەرانی خۆی دەربڕی بەهۆی رووداوەکەوە و رایگەیاند کە بڕی پێنج هەزار دۆلار دەدەن بە هەر یەک لە خێزانی قوربانییان.
بەرپرسانی کەشناسی ویلایەتەکە هۆشداریان دا لە کەشوهەوای نەرێنیی لە باکووری خۆرهەڵاتی وڵاتەکە بۆ ماوەی پێنج رۆژ.
لەو کاتانەی بارانبارینی وەرزیی هیندستان دەگرێتەوە، بەهۆی بەرکەوتنی هەورەبروسکەوە زیانی گیانیی دروست دەبێت کە لە ویلایەتی بیهار لەنێوان مانگەکانی حوزەیران و تەمووزدا، لانیکەم 60 کەس بەو هۆیەوە گیانیان لەدەستداوە.