دیجیتال میدیای سپێده
كۆشكی بەكینگهام شاهانەیی بەریتانیا رایگەیاند، دۆخی تەندروستیی شاژنە ئێلیزابێسی دووەم تێكچووە پزیشكەكانی لە دۆخی تەندروستیی شاژن نیگەرانن.
كۆشكی بەكینگهام ڕاگەیەندراوێكی لەبارەی تێكچوونی تەندروستی شاژنە ئێلیزابێسی تەمەن 96 ساڵ بڵاوكردەوەو رایگەیاند: دوای تێكچوونی تەندروستی شاشژن تیمی پزیشكیی تایبەت پشكنینیان بۆ شاژن كردووە و پێشنیازیان كردووە شاژن لەژێر چاودێریی پزیشكیدا بمێنێتەوە بەهۆی خراپی دۆخی تەندروستی.
دوای بڵاوبوونەوەی ئەم هەواڵەش شازادە چارلس و ویلیامی كوڕی چوونە شوێنی مانەوەی شاژنە ئیلیزابێس لە كۆشكی شاهانەی بەریتانیا.
لە مانگی تشرینی یەكەمی ساڵی پارەوە شاژنە ئیلزابێسی تەمەن ٩٦ ساڵ باری تەندروستی تێكچووەو دووچاری كێشە دەبێتەوە لە رۆشتن و وەستانی بەپێوە.
لە رۆژی چوارشەممەی رابردووش بەناچاری بەهۆی تێكچوونی تەندروستی شاژنی بەریتانیا كۆبوونەوەی ئەنجوومەنی وەزیران هەڵوەشایەوە.
كۆتا دەركەوتنی شاژن، لە رۆژی سێشەممەی رابردوو بوو كاتێك لیز ترەس سەرۆكوەزیرانی نوێی بەڕیتانیا چووە كۆشكی بێرمینگهام بۆ لای شاژن و شاژن رایسپارد بۆ پێكهێنانی حكومەتی نوێی بەرتیانیا.