کارمەندێکی تەندروستیی شارۆچکەی سەنجەل لە باکووری رامەڵڵا، لە لێدوانێکیدا بۆ ئاژانسی ئانادۆڵو باسی لەوە کرد کە سێ لەو فەڵەستینییانە بە گوللەی راستەقینەو و یەکێکیشیان بە گوللەی پلاستیکی برینداربوون.
بە گوتەی ئەو کارمەندەی تەندروستی، تیمەکانی فریاکەوتن چارەسەری سەرەتاییان بۆ ئەو چوار بریندارە و ٢٥ کەسی دیکە کردووە کە کەوتوونەتە ژێر کاریگەری گازی فرمێسکڕێژەوە.
شایەتحاڵەکانی رووداوەکە باس لەوە دەکەن کە فەڵەستینییەکان لە شارۆچکەی سەنجەل، دژی داگیرکردنی زەوییەکانیان لەلایەن جوولەکە هاوردەکانەوە، خۆپیشاندانیان رێکخستووە، کاتێکیش جوولەکەکانی ناوچەکە هەوڵیانداوە رێگریی لە خۆپیشاندانەکە بگرن، پێکداهەڵپژان لە نێوانیاندا روویداوە و هێزەکانی ئیسرائیلیش بە گوللەی راستەقینە، گوللەی پلاستیکی و گازی فرمێسکڕێژ بڵاوەیان بە خۆپیشاندەرە فەڵەستینییەکان کردووە.