هەناردەی نەوتی عێراق بۆ ئەمریکا زیادیكردوە

دیجیتاڵ میدیای سپێده‌

ئیداره‌ی وزەی ئەمەریکا ڕایگەیاند، لە ماوەی هەفتەی ڕابردوودا هەناردەی نەوتی عێراق بۆ ئەمریکا بۆ زیاتر لە 340 هەزار بەرمیل لە ڕۆژێکدا بەرزبووەتەوە.

بە پێی هه‌واڵێكی شه‌فه‌ق نیوز ئیدارەی زانیاری وزەی ئەمەریکا ڕایگەیاندوە، "تێكڕای هاورده‌كردنی نه‌وتی خاوی ئه‌مریكا له‌ ماوه‌ی هه‌فته‌ی رابردوودا له‌ 9 وڵاته‌وه‌ رۆژانه‌ 5 ملیۆن و 235 هه‌زار به‌رمیل بووه‌، كه‌ به‌راورد به‌ هه‌فته‌ی پێشوو 547 هه‌زار به‌رمیل له‌ رۆژێكدا كه‌می كردووه‌".

ئاماژه‌ی به‌وه‌شكرد، "هەفتەی رابردوو هەناردەی نەوتی عێراق بۆ ئەمریكا بە تێكڕا 343 هەزار بەرمیل بووە لە رۆژێكدا، كە زیاترە لە هەفتەی پێشوو، كە تێیدا هەناردەی نەوت بۆ ئەمریكا بە تێكڕا گەیشتووەتە 222 هەزار بەرمیل لە رۆژێكدا".

ئەوەشخراوەتە ڕوو، "زۆربه‌ی نه‌وتی ئه‌مریكا له‌ ماوه‌ی هه‌فته‌ی رابردوودا له‌ كه‌نه‌داوه‌ هاتووه‌، به‌ رێژه‌ی 2 ملیۆن و 937 هه‌زار به‌رمیل له‌ رۆژێكدا، دواتر مه‌كسیك دێت به‌ رێژه‌ی 484 هه‌زار به‌رمیل له‌ رۆژێكدا، و داهاتی نه‌وت له‌ سعودیه‌وه‌ به‌ رێژه‌ی". 425 هەزار بەرمیل لە ڕۆژێکدا، پاشان کۆڵۆمبیا بە ڕێژەی 288 هەزار بەرمیل لە ڕۆژێکدا." .

بەگوێرەی ئیدارەی ئەو وڵاتە، "بڕی هاوردەكردنی نەوتی خاوی ئەمەریكا لە بەرازیلەوە بە تێكڕا گەیشتووەتە 255 هەزار بەرمیل لە رۆژێكدا، لە نەیجیریاوە بە رێژەی 232 هەزار بەرمیل لە رۆژێكدا، لە ئیكوادۆرەوە بە رێژەی 199 هەزار بەرمیل لە رۆژێكدا و لە". ترینیداد و تۆباگۆ بە تێکڕا 72 هەزار بەرمیل لە ڕۆژێکدا.