دیجیتال میدیای سپێده
بریاره ئه‌مرۆ ئه‌نجوومه‌نی ئاسایشی نێوده‌وڵه‌تی كۆببێته‌وه و ره‌وشی عێراق تاوتوێ بكات.
دوێنێ دووشه‌ممه، نێرده‌ی تایبه‌تی نه‌ته‌وه یه‌كگرتووه‌كان بۆ عێراق له‌هه‌ژماری تایبه‌تی خۆی له‌تۆڕی كۆمه‌ڵایه‌تی تویته‌ر بڵاویكردبوویه‌وه: كاتژمێر پێنجی ئێواره‌ی ئه‌مڕۆ سێشه‌ممه به‌كاتی به‌غدا، ئه‌نجوومه‌نی ئاسایشی نێوده‌وڵه‌تی كۆده‌بێته‌وه. راشیگه‌یاندبوو: له‌میانی كۆبوونه‌وه‌كه‌دا، ره‌وشی عێراق تاوتوێ ده‌كرێت.
ئاماژه‌ی به‌وه‌یشدابوو: نوێنه‌ری تایبه‌تی سكرتێری گشتی نه‌ته‌وه یه‌كگرتووه‌كان بۆ عێراق، جێنین هێنیس پلاسخارت به‌شداری له‌كۆبوونه‌وه‌كه‌دا ده‌كات وكورته‌یه‌ك سه‌باره‌ت به‌ره‌وشی ئێستای عێراق پێشكه‌ش ده‌كات.