پەڕلەمانتارێكی یەكگرتوو لە بارەی گوزەرانی هاوڵاتیان ڕەخنەی توند لە سەرۆكایەتی پەڕلەمان دەگرێت

دیجیتاڵ میدیای سپێده‌

بڕیاردەری فراكسیۆنی یەكگرتوو لە پەرلەمانی كوردستان ڕایگەیاند، ئەوەی پەیوەندی بە خەڵكەوە هەیە ناخرێتە بەرنامەی كارەوە بەڵام ئەوەی لە لەبەرژەوەندی دەسەڵاتە خێرا دەی هێننە ناو بەرنامەی كار و خوێندنەوەی یەكەم و دووەمی بۆدەكەن.

سەرچنار ئەحمەد بریاردەری فراكسیۆنی یەكگرتوو لە پەرلەمانی كوردستان لە خالێكی پەیڕەوی كۆبوونەوەی پەرلەمان ڕایگەیاند: چەندین یاداشت و پێشنیازەیاسامان داوەتە پەرلەمان کەهەمووی پەیوەندی ڕاستەوخۆی بە ژیانی خەڵکەوە هەببووە بەڵام نەخراوەتە بەرنامەی كار.

ئاماژەی بەوەشكرد، بەڵام یاسای درێژکردنەوەی ماوەی پەرلەمان كەلە 30 - 9 - 2022 پێشكەشراوە ئێستا لە 5 - 10 - 2022 كە لە ماوەی 5 ڕۆژدا هێنرایە پەرلەمان و خرایە بەرنامەی كار خوێندنەوەی یەكەمی بۆكرا.

بڕیاردەری فراكسیۆنی یەكگرتوو ئەوەشی خستەڕوو: ئەوەی پەیوەندی بە خەڵكەوە هەیە ناخرێتە بەرنامەی كارەوە بەڵام ئەوەی لە لەبەرژەوەندی دەسەڵاتە خێرا دەی هێننە ناو بەرنامەی كار و خوێندنەوەی یەكەم و دووەمی بۆدەكەن و دەیكەن بەیاسا.