له‌و كۆنگره رۆژنامه‌وانییه‌ی كه له ئه‌كادیمیای شاهانه‌ی زانستی سوید به‌ڕێوه‌چوو، راگه‌یه‌ندرا كه خه‌ڵاتى نۆبڵى 2022 له بوارى كیمیادا به‌خشراوه‌ته سێ زانا.
كیمیاگه‌رانی ئه‌مریكی و دانیماركی (كارۆلین. ئاڕ. بێرتۆزی) و (مۆرتن پی. مێلدال) و (كارل باری شارپلێس) له ئه‌نجامی به‌شداریكرنیان له "په‌ره‌پێدانی كیمیای كلیك و كیمیای بایۆ ئۆرتۆگۆناڵ"، به شایسته‌ی خه‌ڵاته‌كه زانران.
ئاماژه به‌وه‌ش كرا كه "كیمیای كلیك و كیمیای بایۆئۆرتۆگۆناڵ" زانستی كیمیایان به‌ره‌و قۆناغێكی نوێی فانكشنالیزم بردووه.
ئه‌وه‌ش راگه‌یه‌ندرا كه كارلێكه بایۆ ئۆرتۆگۆناڵه‌كانی كیمیاگه‌ر (كارۆلینز ئاڕ. بێرتۆزی) به‌شداری ده‌كه‌ن له چاره‌سه‌ركردنى شێرپه‌نجه‌دا. هه‌روه‌ها كیمیاگه‌ران (مۆرتن پی. مێلدال) و (كارل باری شارپلێس) بناغه‌ی "كیمیای كلیك"یان داناوه كه فۆرمێكی كارای كیمیایه.