تەندروستی هەولێر ڕایدەگەیەنێت،هەڵە تێگەیشتن هەبووە ئەم شۆفێرە ئوتۆمبێلەکەی نەدزیوە، تەنها ویستوویەتی تەرمی کەسە نزیکەکەی خۆی بگوازێتەوە
بەڕێوەبەرایەتی گشتی تەندروستی هەولێر لە ڕوونكردنەوەیەكدا ڕایگەیاند: دوابەدوای بڵاوبوونەوەی هەواڵێكی ناڕاست سەبارەت بە ئوتۆمبێلی ئەمبولانس، شۆفێرەکە کارمەندی فەرمی یەکەی فریاگوزاری یە و هەڵە تێگەیشتن هەبووە لە بابەتەکە بەهۆی لەدەستدانی کەسێکی نزیکی ئەم شۆفێرە دیارە داوای کردووە ئەمبولانس ببات بەلام بەهۆی ئەوەی ئیشکگر نەبووە نەتوانراوە ئوتمبێلی پێ بدرێت هەستکراوە باری دەروونی لەحالەتی شپرزە بووە وە ئەم شۆفێرە ئوتۆمبێلەکەی نەدزیوە، تەنها ویستوویەتی تەرمی کەسە نزیکەکەی خۆی بگوازێتەوە.
ئاماژەی بەوەشكرد: پۆلیس ئەمبولانسەکەی گەراندۆتەوە و بەدواداچوونی زیاتر دەکرێت لە ئەگەری هەبوونی هەر کەمتەرخەمیەك رووبەرووی یاسایی دەکرێتەوە.