نرخی نەوت لە بازارەكانی جیهان بەزبوویەوە

ئه‌مڕۆ پێنج شه‌ممه‌ دوای كردنه‌وه‌ی بازاڕه‌كان نرخی نه‌وت به‌رزبوویه‌وه‌و،نرخی نه‌وتی خاوی برێنت گه‌یشته‌ (95) دۆلار و (94) سه‌نت، ئه‌وه‌ش به‌راورد به‌ڕۆژانی ڕابردوو نزیكه‌ی (3) دۆلاربه‌رزبووه‌ته‌وه‌.

هاوكات، نرخی نه‌وتی خاوی ته‌كساسیش به‌ (88) دۆلار و (12) سه‌نت مامه‌ڵه‌ی پێوه‌ ده‌كرێت.

به‌هۆی هه‌ڵئاوسانی ئابوری وترسانی كۆمپانیا نه‌وتییه‌كان له‌مایه‌پوچبون، نرخی نه‌وت ناجێگیره‌ و به‌رده‌وام له‌گۆڕاندایه‌.

به‌رزبوونه‌وه‌ی قه‌باره‌ی هه‌نارده‌كردنی نه‌وت له‌ ئه‌مریكا و دابه‌زینی به‌های دۆلار به‌ هۆكاری به‌رزبوونه‌وه‌ی نرخی نه‌وت هه‌ژمار ده‌كرێن.

ئه‌مه‌ له‌كاتێكدایه‌، له‌سه‌ره‌تای هه‌ڵگیرسانی شه‌ڕی ئۆكرانیا و روسیا، قه‌یرانی كه‌می نه‌وتی خاو له‌جیهاندا سه‌ریهه‌ڵدا و، نرخی نه‌وت به‌شێوه‌یه‌كی به‌رچاو به‌رزبوه‌وه‌ وهه‌ر به‌رمیلێك (130) دۆلاری تێپه‌ڕاند.