ئاژانسی نێوده‌وڵه‌تیی وزه پێشبینی ده‌كات ده‌ردانی گازه گه‌رمكه‌ره‌وه‌كان له جیهاندا له ساڵی 2025دا بگاته ترۆپك، ئه‌وه‌ش له ئه‌نجامى ئه‌و دۆخه‌ی له ئاكامی شه‌ڕی ئۆكرانیا بازاڕی وزه‌ی جیهانی گرتۆته‌وه.
ئاژانسه‌كه له راپۆرتی ساڵانه‌یدا بۆ ساڵی 2022 هۆشداریداوه له روودانی درز له‌نێوان وڵاتانی ده‌وڵه‌مه‌ندو وڵاتانی هه‌ژاردا له بواره‌كانی وه‌به‌رهێنان له وزه‌ی بێ كاربۆندا، بۆیه داوای هه‌وڵی گه‌وره‌ی نێوده‌وڵه‌تی ده‌كات، بۆ چاره‌سه‌ركردنی ئه‌و دۆخه نیگه‌ران ئامێزه.
هۆشدارییه‌كه‌ى ئاژانسی نێوده‌وڵه‌تی وزه له‌كاتێكدایه بڕیاره كۆنگره‌ی لایه‌نه نێوده‌وڵه‌تییه‌كانی ئاووهه‌وا (كۆب 27) له 6ی تشرینی دووه‌می داهاتوو تا 18ی هه‌مان مانگ له شه‌رم شێخی میسر به‌ڕێوه‌بچێت.