ده‌سه‌ڵاتدارانی پارێزگای هۆكایدۆ كه ده‌كه‌وێته باكووری ژاپۆن، به‌هۆی بڵاوبوونه‌وه‌ی ئه‌نفلۆنزای باڵنده‌ی H5N1 بڕیاریاندا 150 هه‌زار مریشك له كێڵگه‌یه‌كی ناوخۆییدا له‌ناوبه‌رن.
به‌گوێره‌ی ئاژانسی هه‌واڵی كیۆدۆی ژاپۆن، ده‌سه‌ڵاتداران لێكۆڵینه‌وه‌ی پێویست ئه‌نجام ده‌ده‌ن بۆ دیاریكردنی هۆكاره‌كانی بڵاوبوونه‌وه‌ی نه‌خۆشییه‌كه له ناوچه‌كه‌دا.
جێگای سه‌رنجه كه ده‌سه‌ڵاتدارانی پارێزگای هۆكایدۆ له مانگی نیسانی ساڵی ڕابردوودا بڵاوبوونه‌وه‌ی ئه‌نفلۆنزای باڵنده‌یان له كێڵگه‌یه‌كی په‌له‌وه‌ر له شاری شیراوی ڕاگه‌یاندبوو.
كۆی گشتی ئه‌و مریشكانه‌ی له ژاپۆن له‌م وه‌رزه‌دا له‌ناوبراون گه‌یشته یه‌ك ملیۆن و 800 هه‌زار مریشك.