وه‌زاره‌تی ئیتلاعاتى ئێران له ڕاگه‌یێندراوێكدا ئاشكراى كرد، تا ئێستا 26 كه‌سیان ده‌ستگیركردووه كه سه‌رجه‌میان بیانى بوونه و په‌یوه‌ندیان به هێرشه‌كه‌ى شیرازه‌وه هه‌بووه.
وه‌زاره‌تی ئیتلاعات رایگه‌یاند: دوای ڕووداوه ترۆریستییه‌كه‌ی شاچراغی شارى شیراز، دواى به‌دواداچوونى هێزه ئه‌منیه‌كان له ئه‌نجامی ئۆپراسیۆنێكى هاوبه‌شدا 26 تیرۆریست ده‌ستگیر كراون كه هه‌ر هه‌موویان كه‌سانى بیانى بوون و هاووڵاتی كۆماری ئازه‌ربایجان و تاجیكستان و ئه‌فغانستانن.
رۆژى 26/10/ 2022له شاری شیرازی ئێران له‌لایه‌ن ژماره‌یه‌ك چه‌كداره‌وه هێرشكرایه سه‌ر زیاره‌تكارانی مه‌زارگه‌ی شاهچراغ له شارى شیراز و به‌وهۆیه‌وه ده‌یان كوژراو و برینداری لێكه‌وتۆته‌وه.