دیجیتال میدیای سپێده
سوپای لوبنان ئه‌و ئۆتۆمبێله زرێپۆش و پێداویستییه سه‌ربازییانه‌ی راده‌ست كرا كه له‌لایه‌ن ئه‌مریكاوه پێی به‌خشرابوو.
سوپای لوبنان له‌باره‌ی پشتیوانییه سه‌ربازییه‌كه كه له ئه‌مریكاوه نێردراوه و گه‌یشتووه‌ته به‌نده‌ری به‌یروت، راگه‌یه‌ندراوێكی بڵاوكرده‌وه.
له راگه‌یه‌ندراوه‌كه‌دا باس له‌وه كراوه كه ئه‌مریكا له‌چوارچێوه‌ی پرۆگرامی پشتیوانییدا ١٣ دانه ئۆتۆمبێلی زرێپۆشی له جۆری هه‌مڤی و ١١ بارهه‌ڵگری سه‌ربازیی راده‌ستی سوپاكه كردووه.
هه‌روه‌ها تیشك خراوه‌ته سه‌ر ئه‌وه‌ش كه له هه‌مان چوارچێوه‌دا پێداویستیی سه‌ربازیی پێشكه‌شی سوپای لوبنان كراوه بێ ئه‌وه‌ی ورده‌كارییه‌كه‌ی باس بكرێت.
رۆژی ٩ی ئه‌یلوول سه‌رۆكی ئه‌مریكا، جۆ بایدن فه‌رمانی كردبوو به بڕی ٤٧ ملیۆن دۆلار هاوكاریی سه‌ربازیی پێشكه‌شی سوپای لوبنان بكرێت.