دیجیتاڵ میدیای سپێده
لە ئاکامی بەریەککەوتنی شەمەندەفەر و پاسێکی گواستنەوەی قوتابییان لە پارێزگای شەرقییە باکووری میسر، ١٩ قوتابی برینداربوون.
پارێزگای شەرقییە لە راگەیەندراوێکدا، تیشکی خستە سەر ئەوەی کە شەمەندەفەر و پاسێکی گواستنەوەی قوتابییان لە شاری زەقازیق بەریەک کەوتوون و لە ئاکامی رووداوەکەدا، ١٩ قوتابی برینداربوون و ١٧ لەو قوتابییانە رەوانەی نەخۆشخانە کراون و دوو قوتابییەکەی دیکە چارەسەری سەرەتاییان بۆ کراوە.
لە راگەیەندراوەکەدا، باس لە دۆخی تەندروستیی برینداربووان نەکراوە.
میدیا خۆجێیەکان بڵاویان کردەوە، دەست کراوە بە لێکۆڵینەوە لە رووداوەکە.
لە میسر بەهۆی ئەوەی ژمارەیەک لە شۆفێرانی پاس بەو رێڕەوانەدا ناڕۆن کە بۆیان تەرخان کراوە و هەروەها لە کاتی تێپەڕینی شەمەندەفەر رەچاوی هێماکانی شەمەندەفەر ناکرێت، زوو زوو رووداوی هاتوچۆ روو دەدەن.