دیجیتال میدیای سپێده
له‌میانی هه‌ڵكوتانه سه‌ر كه‌مپی په‌نابه‌رانی دهێشه له‌شاری به‌یت له‌حم له‌كه‌ناری رۆژئاوای داگیركراو، به‌هۆى گولـلـه‌ـى هێزه‌كانى سوپای ئیسرائیل هاوڵاتیه‌كى فه‌ڵه‌ستینى شه‌هیدبوو.
له‌راگه‌یه‌ندراوێكدا وه‌زاره‌تی ته‌ندروستی فه‌ڵه‌ستین رایگه‌یاند: ئه‌و فه‌ڵه‌ستینییه‌ی له‌میانی هه‌ڵكوتانه سه‌ر كه‌مپی په‌نابه‌رانی دهێشه گولـله‌ی سوپای ئیسرائیل به‌ر سنگی كه‌وتبوو، گیانی له‌ده‌ستداوه.
شایه‌تحاڵان ئاماژه به‌وه ده‌ده‌ن: هێزه‌كانی ئیسرائیلى داگیركار له‌به‌رامبه‌ر كاردانه‌وه‌كان دژبه هه‌ڵكوتانه‌سه‌ره‌كه، گولـله‌ی راسته‌قینه وگولـله‌ی پلاستیكی، هه‌روه‌ها گازی فرمێسكڕێژیان به‌كار هێناوه.
سه‌رچاوه خۆجێیه‌كان ئاماژه به‌وه ده‌ده‌ن: ئه‌و هاوڵاتییه فه‌ڵه‌ستینییه‌ى كه‌گیانى له‌ده‌ستداوه، گه‌نجێك بووه به‌ناوی عومه‌ر مه‌ننا.