هاتوچۆی هه‌ولێر ئاگاداریه‌ك بڵاو ده‌كاته‌وه‌

دیجیتال میدیای سپێده‌

هاتوچۆی هەولێر لە راگەیاندراوێکدا ئاگاداری هاوڵاتیان دەکاتەوە، لە رۆژی پێنجشەممە 22/12/2022، راییکردنی مامەڵەی هاوڵاتیان لە فەرمانگەی هاتوچۆی هەولێر بەگشت بەش هۆبەکانیەوە رادەگیرێت.

ئه‌وه‌شی خستوه‌ته‌ روو" كه‌ راگرتنی مامەڵەکان بەهۆی تەواوبوونی ساڵی ژمێریارییەوەیە."

ئاماژەی بەوەشکردووە، دەستپێکردنەوەی مامەڵەکان لە رۆژی 1/2ـی ساڵی داهاتوودا دەبێت.

ده‌قی ئاگاداریه‌كه‌:

ئاگاداری
سەرجەم هاوڵاتیان وشوفێرانی بەڕێزمان ئاگاداردەکەینەوە،کەوا لەڕۆژی پێنجشەممە ڕێکەوتی2022/12/22ڕاییکردنی مامەڵەی هاولاتیان لەفەرمانگەی هاتووچۆی هەولێر بەگشت بەش هۆبەکانیەوە ڕادەگیرێت،تاکو ڕۆژی2023/1/2،بەهۆی تەواوبونی ساڵی ژمێریاری،بۆیە داوا لەهاوڵاتیانی بەڕێزمان دەکەین کەلەو ماوەیە سەردان نەکەن،وەهەربابەتێکیش لەو ماوەی ڕاگرتنە بەسەربچێت وەکو ساڵیانەو مۆلەت و ماوەی تۆمارکردن ،بویان قەرەبو دەکرێتەوە لەدوای دەستپێکردنەوەی دەوام ،وەهیچ کەسێک توشی سزادان نابێتەوە.
ب هاتووچۆی هەولێر