داهاتەیل سلێمانی و هەڵەبجە وە ماوەی پەنج مانگ رەسێدە ٤٠٠ ملیار دینار

شەفەق نیوز/ سەرچەوەیگ ئاگادار، ئمڕوو چوارشەممە، ئاشکرا کرد ک داهات پارێزگایل سلێمانی و هەڵەبجە لە تەمووز تا کۆتایی مانگ تەشرین دویەم گوزەشتە رەسیە 395 ملیار دینار، دیاری کرد ک 438 مليار دينار خوازن تا خەرج و مووچەیل مانگانە بیەن.

سەرچەوەگە ک نەخوازێد ناوی ئاشکرا بوود، ئەرا ئاژانس شەفەق نیوز وت: داهاتەیل سلێمانی و هەڵەبجە  لە ماوەی پەنج مانگ گوزەشتە، رەسیە زیاتر لە  300 مليار دينار، وە شیوەی چەکەیل بانکی.

سەرچەوەگە وتیش: ناوڕاس داهاتەیل مانگانە رەسیە 79 مليار دينار، ک ٦٠ مليار ديناری کاش بوی، و19 ملياری چەک بانکی بوی، و ناوڕاس داهاتەیل رووژانەی دوو پارێزگاگە رەسیە زیاتر لە 2.6 مليار دينار، و بەرزترین داهات لە تەشرین دویەم بوی ک رەسیە 90 مليار دينار.

سەرچەوەگە دیاری کرد ک پارێزگایل سلێمانی و هەڵەبجە زیاتر لە 438 مليار دينار خوازن تا خەرج و مووچەیل مانگانە بیەن، 18٪ لەلی لە داهاتەیل ناوخوەیی دابین کریەێد.

سەرچەوەگە وتیش: گەورەترین داهاتەیل لە مەرزەیل سنووری هاتنە، ئیجا کارەبا و هاتوچو و باج، و بڕ داهاتەیل سلێمانی و هەڵەبجە لە هەفتەی گوزەشتە رەسیە زیاتر لە 18 ملياراو585 مەلیۆن دينار.

سەرچەوەگە وتیش: ناوڕاس داهاتەیل سلێمانی ئەرا پەنج مانگ گوزەشتە رەسیە 345 مليار دينار، ئەرا مووچە خەرج کریا، ک مانگانە 69 مليار دينار کەێد، لە وەختیگ سلێمانی هەر مانگیگ 73 مليار دينار ئەرا مووچە لە داهاتەیل سلێمانی خوازێد.

سەرچەوەگە وتیش: بەشیگتر لە داهاتەیل سلێمانی چوودە خەرج فەرمانگەیل حکومەتی ک مانگانە زیاتر لە 37 مليار دينار خوازن، و تەنیا 10 مليار دينار  چیە بوودجەی فەرمانگەیل حکومەتی.