دیجیتال میدیای سپێده
لیژنه‌ى نه‌زاهه له‌ئه‌نجومه‌نى نوێنه‌رانى عێراق چه‌ندین تێبینیان تۆماركردوه له‌سه‌ر ئه‌داى كارى كۆمپانیاكانى په‌یوه‌ندیكردن، وداواشى له‌سه‌رۆك وه‌زیران و وه‌زاره‌تى گواستنه‌وه كردوه بۆ ئاماده‌كردنى راپۆرتێك له‌باره‌ى كارى كۆمپانیاكانى په‌یوه‌ندیكردن ودانانى سنورێك له‌سه‌ر گه‌نده‌ڵییه‌كانیان.
هادى سه‌لامى، ئه‌ندامى لیژنه‌ى نه‌زاهه له‌په‌رله‌مانى عێراق رایگه‌یاندوه: لیژنه‌كه هه‌ڵده‌ستێت به‌ئه‌نجامدانى لێكۆڵینه‌وه وپێداچوونه‌وه به‌گرێبه‌ستى كۆمپانیاكانى مۆبایل وپه‌یوه‌ندیكردن، كه‌تا ئێستا قه‌رزه‌كانیان نه‌دراوه‌ته‌وه.
سه‌لامى راشیگه‌یاند: داوامان له‌محمد شیاع سودانى سه‌رۆك وه‌زیران و وه‌زاره‌تى گواستنه‌وه كردوه كه‌داوا له‌كۆمپانیاكانى په‌یوه‌ندیكردن بكات بۆ دانه‌وى قه‌رزه‌كانیان كه‌چیتر رێگه‌یان پێ نه‌درێت یارى به‌داهاته‌كانى ده‌وڵه‌ته‌وه بكه‌ن.
ئاماژه‌ى به‌وه‌شكردوه: ئه‌م كۆمپانیانه چه‌ندین ملیار دۆلاریان به‌هه‌ده‌ردراوه، وجه‌ختیشى كرده‌وه: كۆمپانیاكانى په‌یوه‌ندیكردن نارونیێكى زۆر وگه‌نده‌ڵى تێدایه له‌زۆرێك له‌گرێبه‌سته‌كانیان دا، وهیچ به‌رژه‌وه‌ندییه‌كى گشتى له‌ماوه‌ى چه‌ند ساڵى رابردوو دا به‌به‌رچاو نه‌گرتووه.
پێشتریش عه‌قیل فه‌تلاوى ئه‌ندامى لیژنه‌ى گواستنه‌وه وپه‌یوه‌ندیكردنى په‌رله‌مان رایگه‌یاندبوو: دۆسیه‌ى گه‌نده‌ڵییه‌كانى كۆمپانیایى كۆره‌ك بۆ دادگایى كه‌رخى دووه‌م و ره‌سافه نێردراوه.