دیجیتال میدیای سپێده
بوومەلەرزەیەک بە گوڕی ٥،١ پلە پارێزگای خوراسانی باشوور خۆرهەڵاتی ئێرانی هه‌ژاند.
بەپێی هەواڵێكی ئاژانسی هه‌واڵی فەرمیی ئێران، بوومەلەرزەکە کە ناوەنده‌كه‌ی نزیک شاری بۆشڕویە سه‌ربه پارێزگای خوراسانی باشوور بووه، کاتژمێر ١٦:٥٤ بەکاتی ناوخۆی ئێران روویداوه.
بوومه‌له‌رزه‌كه لە قووڵایی هه‌شت کیلۆمەتردا روویداوە.
بەڕێوەبەری گشتیی بەڕێوەبردنی قەیرانەکان له پارێزگای خوراسانی باشوور، محەمەد عەلی ئاخوندی، ئاشكرایكرد، بوومەلەرزەکە بە دووری سێ کیلۆمەتر لە شاری بۆشڕویە روویداوە و تیمی فریاگوزاری رەوانەی شوێنه‌كه کراون.
محەمەد عەلی ئاخوندی ئاشكرایكرد، بوومەلەرزەکە لە شاره‌كانی فیرده‌وس و ته‌به‌سیش هەستی پێکراوە.
تا ئێستا هیچ راگه‌یه‌ندراوێك لەسەر ئەوە بڵاونه‌كراوه‌ته‌وه کە بوومه‌له‌رزه‌كه زیانی گیانی یان ماددیی لێكه‌وتووه‌ته‌وه یان نا.