شه‌فه‌ق نيوز/ وه‌زاره‌ت ته‌ندروستى له حكومه‌ت هه‌رێم كوردستان، ئاشكراى ته‌شخيسكردن حاڵه‌ته‌يل تر تويشهاتن وه ڤايرۆس كۆرۆناى تازه كرد.
وه‌زاره‌ته‌گه له به‌ياننامه‌يگ ئه‌را شه‌فه‌ق نيوز وت: 8 حاڵه‌ت تر تازه وه ڤايرۆس كۆرۆنا له‌شار هه‌ولێر تۆمار كرياگه.
به‌ياننامه‌گه يه‌يش ده‌رخست ئه‌و حاڵه‌ته‌يل دابه‌ش بويه له‌بان پياويگ و ژنيگ و سێ مناڵ ك گشتيان قه‌وم يه‌كترن و ئاشكراى يه‌يش كرد حاڵه‌تيگ تر ئه‌را پياويگ له ناحيه‌ى خلێفان تۆمار كرياگه ك له‌بريتانيا هاته‌سه‌و، وه‌ل تۆماركردن سێ حاڵه‌ت تر له دهۆك ك ئه‌وانيش له‌ى دوياخره له فره‌نسا هاتنه‌سه‌وه‌و كه‌ره‌نتين كريانه له هه‌ولێر، ك وه‌يه‌يش شماره‌ى تويشهاتگه‌يل ره‌سيه 15 حاڵه‌ت له هه‌رێم.