دیجیتاڵ میدیایی سپێده
كارەبای سلێمانی ڕایگه‌یاند: نرخی کرێی ئەمپێرێک مۆلیدە بۆمانگی 12ی ساڵی 2022 لەنێوان 13٫250 دینار بۆ 16٫500 دیاری کرا.
بەڕێوەبەرایەتی گشتی كارەبای سلێمانی بڵاویكرده‌وه، ئه‌مڕۆ دووشه‌ممه (2/1/2022) لیژنه‌ی دیاریكردنی نرخی موه‌لیده ئه‌هلییه‌كان كۆبوه‌وه، به گوێره‌ی نرخی گازوایل نرخی كاتژمێرێك ئەمپێری موه‌لیدە بە (57) دینار دیاریكرا، كه‌به تێكڕایی موەلیدە ئه‌هلییه‌كان لەنێوان (230) بۆ (290) كاتژمێڕ كاریان كردوە، بەمەش نرخی ئەمپێرێك كاره‌با لەنێوان (13.250) هه‌زار بۆ (16.500) هه‌زار دینار دەبێت و نرخی ئەمپێرێكیش لە گەڕەكێك بۆ گەڕەكێكی دیكه جیاوازە به‌و پێیه‌ی به‌پێی ئه‌و پێوه‌ره هه‌ژمارده‌كرێت كه‌بۆ موه‌لیده‌كان دانراوه و كاتژمێڕی كاركردنیان تۆمارده‌كات.
ئاماژه‌یان به‌وه‌شكرد، هاوكات نرخی ئه‌مپێری شوێنه بازرگانییه‌كان و ناو بازاڕ و ئەو موەلیدانەی پێشنیوەڕۆ کاریان کردوە زیاتر ده‌بێت له‌به‌رئه‌وه‌ی زیاتر كاریان كردووه.
ڕاشیانگه‌یاند: لەكۆبوونەوەكەشدا ئەو خاڵە دووپاتكرایەوە، كە پێویستە پاش كوژانەوەی كارەبای نیشتمانی (10) خولەك زیاتر بەسەر كارپێكردنی موه‌لیدە تێنەپەڕێت، بەپێچەوانەوە سەرپێچیكار روبەڕوی یاسا دەكرێتەوە.