له‌ نابلس هاوڵاتییه‌كى فه‌ڵه‌ستینى به‌گوله‌ى هێزه‌كانى ئیسرائیل شه‌هید ده‌كرێت

دیجیتال میدیای سپێده‌

سه‌ر له‌به‌یانى ئه‌مرۆ له‌ماوه‌ى هێرشى هێزه‌كانى سوپاى ئیسرائیل بۆ سه‌ر كه‌مپى بیلاته‌ له‌شارى نابلس له‌باكورى كه‌رتى رۆژئاوا مێردمنداڵێكى ته‌مه‌ن 16 ساڵان شه‌هید ده‌كه‌ن.

ته‌له‌فزیۆنى فه‌رمى فه‌ڵه‌ستین ئاشكرایكرد: سه‌ر له‌به‌یانى ئه‌مرۆ سوپاى ئیسرائیل هێرشى كردۆته‌ سه‌ر كه‌مپى بیڵاته‌ى نابلس وله‌ماوه‌ى رووبه‌رووبوونه‌وه‌یان له‌گه‌ڵ هاوڵاتیانى فه‌ڵه‌ستینى گه‌نجێك به‌ناوى عامر ئه‌بو زه‌یتونى ته‌مه‌ن 16 ساڵان شه‌هید ده‌كرێت، دواى ئه‌وه‌ى به‌گوله‌ى راسته‌قینه‌ى هێزه‌كانى ئیسرائیل به‌ئامانج ده‌گیرێت وهه‌روه‌ها ژماره‌یه‌كى دیكه‌ش بریندار ده‌كرێن وچوار كه‌سى دیكه‌ش ده‌ستگیر ده‌كات.

له‌ماوه‌ى پێنج رۆژى سه‌ره‌تاى ئه‌م ساڵه‌وه‌ سوپاى ئیسرائیل چوار كه‌س له‌هاوڵاتیانى فه‌ڵه‌ستینى له‌ناوچه‌ جیاوازه‌كان شه‌هید كراون.