دیجیتاڵ میدیای سپێده
تەقینەوەیەکی بەهێز لەبەردەم وەزارەتی دەرەوەی ئەفغانستان لە کابوڵ روویدا.
گوتەبێژی بەڕێوەبەرایەتی ئاسایشی ئیدارەی تاڵیبان لە کابوڵ، خالید زاردان لە هەژماری خۆی لە تۆڕە کۆمەڵایەتییەکان ئاشكرایكرد، تەقینەوەیەک لە نزیک وەزارەتی دەرەوە روویداوە.
خالید زاردان، ئاماژەی بەوە کرد تەقینەوەکە زیانی گیانی لێکەوتووەتەوە و رایگایاند هێزە ئەمنییەکان دەستبەجێ گەیشتونەتە شوێنی رووداوەکە.
هاوکات هێزەکانی تاڵیبان سەرجەم ئەو شەقام و کۆڵانانەیان داخست کە بە ئاڕاستەی وەزارەتی دەرەوە دەچن و رێوشوێنی ئەمنیی توندییان لە ناوچەکە گرتەبەر.
بەپێی لێدوانی شایەتحاڵەکان تەقینەوەکە زیانی گیانی لێکەوتووەتەوە.
لەلایەکی دیکەوە، ئەوەش راگەیەندرا کە شەقامی نەخۆشخانەی فریاکەوتن لە ناوەندی کابوڵ بەڕووی هاتوچۆدا داخراوە و بریندارەکانی بۆ گواستراوەتەوە.