دیجیتاڵ میدیای سپێده
لە ئەنجامی ژێرئاوکەوتنی بەلەمێک لە بەنداوێکی ویلایەتی خەیبەر پاختونخوا باکووری رۆژئاوای پاکستان، بەپێی ئامارە بەراییەکان 11 قوتابی خنکاون و هەشتی دیکەش بێسەروشوێن بوون.
بەگوێرەی ئەو هەواڵانەی لە راگەیاندنە ناوخۆییەکانی ئەو وڵاتەدا بڵاو کراونەتەوە لە ناوچەی کۆهات، 30 قوتابی قوتابخانه ئایینییەکان لە بەنداوی "تاندا" بە مەبەستی گەشتکردن سواری بەلەمێک بوون.
لە ئەنجامی ژێرئاوکەوتنی بەلەمەکەدا، بەپێی ئامارە بەراییەکان 11 قوتابی کە تەمەنیان لەنێوان حەوت بۆ 11 ساڵان بووە خنکاون و هەشتی دیکەیش بێسەروشوێن بوون.
بەرپرسانی پۆلیس رایانگەیاندووە کە رەوشی شەش لە قوتابیەکان کە لەلایەن مەلەوانەکانەوە رزگارکراون، مەترسیدارە.
هەوڵەکانی گەڕان و رزگارکردن لە بەنداوەکەدا بەردەوامن.