دیجیتال میدیای سپێده
ئه‌مڕۆ دوای كردنه‌وه‌ی بازاڕه‌كان، نرخی نه‌وتی برێنت بۆسه‌رو84 دۆلار به‌رزبوویه‌وه و،نرخی نه‌وتی خاوی برێنت گه‌یشته (84) دۆلار و (49) سه‌نت، ئه‌وه‌ش به‌راورد به‌ڕۆژانی ڕابردوو نزیكه‌ی دۆلار ێك به‌رزبووه‌ته‌وه.
هاوكات، نرخی نه‌وتی خاوی ته‌كساسیش به (79) دۆلار و (22) سه‌نت مامه‌ڵه‌ی پێوه ده‌كرێت..
به‌هۆی هه‌ڵئاوسانی ئابوری و ترسانی كۆمپانیا نه‌وتییه‌كان له‌مایه‌پوچبون، نرخی نه‌وت ناجێگیره و به‌رده‌وام له‌گۆڕاندایه، له‌ئێستاشدا نیگه‌رانی له كاریگه‌ریی گه‌مارۆكانی وڵاته رۆژئاواییه‌كان و زیادبوونی خواست له‌لایه‌ن چینه‌وه به هۆكاری سه‌ره‌كیی به‌رزبوونه‌وه‌ی نرخی نه‌وت ئه‌ژمار ده‌كرێت.
ئه‌مه له‌كاتێكدایه، له‌سه‌ره‌تای هه‌ڵگیرسانی شه‌ڕی ئۆكرانیا و روسیا، قه‌یرانی كه‌می نه‌وتی خاو له‌جیهاندا سه‌ریهه‌ڵدا و، نرخی نه‌وت به‌شێوه‌یه‌كی به‌رچاو به‌رزبوه‌وه وهه‌ر به‌رمیلێك (130) دۆلاری تێپه‌ڕاند.