دیجیتال میدیای سپێده
راوێژكارێكى سه‌رۆك وه‌زیرانى عێراق رایگه‌یاندوه: دابه‌زینى نرخى دۆلار به‌رامبه‌ر به دینارى عێراقى وگه‌ڕانه‌وه‌ى بۆ نرخى جارانى بۆ ماوه‌ى دوو هه‌فته‌ى دیكه ده‌بێت.
فادى ئه‌لشه‌مه‌رى، راوێژكارى سه‌رۆك وه‌زیرانى عێراق رایگه‌یاندوه: دابه‌زینى نرخى دۆلار وگه‌ڕانه‌وه‌ى بۆ نرخى جارانى بۆ ماوه‌ى دوو هه‌فته‌ى دیكه ده‌بێت.
شه‌ممه‌رى ئاماژه‌ى بۆ سه‌ركه‌وتنى كۆبوونه‌وه‌ى ئیستانبوڵ له‌نێوان بانكى ناوه‌ندى عێراق وگه‌نجینه‌ى ئه‌مریكا كرد ورایگه‌یاند: بانكى ناوه‌ندى عێراق كۆمه‌ڵێك رێكارى نوێى بڵاوكردۆته‌وه وئه‌مه‌ش ده‌بێته هۆكارێك بۆ دابه‌زینى نرخى دۆلار وهه‌روه‌سا رێكاری دیكه‌شى گرتووته‌به‌ر له‌به‌رامبه‌ر ئه‌وانه‌ى دۆلار ده‌به‌نه ده‌ره‌وه و زیان به‌نرخى دراو ده‌گه‌یه‌نن.
شه‌ممه‌رى گوتیشى: له‌ماوه‌ى دوو هه‌فته‌ى دیكه ده‌بینین كه‌نرخى دراوه‌كان سه‌قامگیرى به‌خۆیه‌وه ده‌بینێت وده‌چێته‌وه سه‌ر نرخى پێشووترى.