دیجیتال میدیای سپێده
بزوتنه‌وه‌ی نه‌هزه‌ى تونس، ئه‌مڕۆ، ده‌ستگیركردنی ژماره‌یه‌ك له كه‌سایه‌تى ئۆپۆزیسیۆن و میدیاكار له وڵاته‌كه‌یدا شه‌رمه‌زاركرد، و هۆشداریی دا له فراوانبوونی ڕفاندن و خراپ به‌كارهێنانی سیستماتیكی له‌لایه‌ن ده‌سه‌ڵاتدارانه‌وه.
دوای ده‌ستگیركردنی (نوره‌دین ئه‌لبوهیری جێگری سه‌رۆكی بزوتنه‌وه‌ى نه‌هزه، له‌زهه‌ر ئه‌كره‌می چالاكوانی سیاسی و نوره‌دین بوتار به‌ڕێوه‌به‌ری ڕادیۆی مۆزاییك كه ڕادیۆیه‌كى تایبه‌ته)، بزوتنه‌وه‌ى نه‌هزه ڕاگه‌یانراوێكى ناڕه‌زایى بڵاوكرده‌وه.
له ڕاگه‌یه‌ندراوه‌كه‌دا هاتووه، قه‌یس سه‌عید سه‌رۆك كۆمارى تونس، خراپ مامه‌ڵه‌كردن له‌گه‌ڵ كه‌سایه‌تییه ئۆپۆزسیۆنه‌كان و هه‌موو ده‌نگێكی ئازادی سه‌ندیكاكان و پیشه‌گه‌ره‌كانی میدیا و ڕۆشنبیران و بازرگانان و چالاكانی سیاسی فراوانتر كردووه.
بزوتنه‌وه‌كه داوای یه‌كڕیزی هه‌موو هێزه‌كان ده‌كات بۆ ڕووبه‌ڕووبوونه‌وه‌ی ئه‌وه‌ی كه به ده‌ستكاریكردن و خراپ به‌كارهێنانی سیستماتیكی وه‌سفی كردووه و وڵات له‌و كاره‌ساته ڕزگار بكات كه دوای كوده‌تاكه‌ی 25ی ته‌مموز به‌سه‌ریدا هات.