دیجیتاڵ میدیای سپێده
شانەی راگەیاندنی ئەمنی سەربە نووسینگەی سەرۆکوەزیرانی عێراق، دەستگیرکردنی کەسێکی بەتۆمەتی بردنی دۆلار بە قاچاغ بۆ دەرەوە راگەیاند.
شانەی راگەیاندنی ئەمنی لە راگەیەندراوێکدا ئاماژەی بەوەداوە کە ھێزەکانی سەربە دەزگای ھەواڵگریی نیشتمانیی عێراق لە میانی ئۆپەراسیۆنێکدا، کەسێکیان دەستگیرکردووە کە ھەوڵیدابوو، دۆلار بە قاچاغ بباتە دەرەوە.
راشیگەیاندووە کە لە میانی ئۆپەراسیۆنەکەدا، دەست بەسەر 140 ھەزار دۆلاری ئەمریکیدا گیراوە و ھاتووە "دەستگیرکراوەکە ھەوڵیدابوو، ئەو 140 ھەزار دۆلارەی کە دەستی بەسەرداگیراوە، بە قاچاغ بباتە دەرەوە".
شارەزایان و چاودێرانی بواری ئابووریی ئاماژە بەوە دەکەن کە یەکێک لە ھۆکارەکانی بەرزبوونەوەی نرخی دۆلاری ئەمریکی بەرامبەربە دیناری عێراقی، حەواڵەکردن و بردنی دۆلارە بە قاچاغ بۆ دەرەوە.