شەفەق نیوز/ سەرچەوەیگ ناوخوەیی وەرپرس، ئمڕوو چوارشەممە، خەوەردا لە کوشیان و زەخمداری سێ کەس وە مرافەیگ هووزانەی سەختیگ لە پارێزگای میسان.
سەرچەوەگە ئەرا ئاژانس شەفەق نیوز وت: مرافە و جەنگ هووزانەی سەختیگ لە ناحیەی کومێت لە پارێزگای میسان کەفتە ناوبەین کەسەیلیگ لە هوزز مۆزان رەسیە وەکارهاوردن چەک.
وتیش: مرافەگە رەسیە کوشیان کەسیگ و زەخمداری دوو کەس، تا هیزە ئەمنیەیل وە زوور ناوجییان کردن.
سەرچەوەگە وتیش: ئەو جەنگە ناوبەین هەردوگ لایەنەگە لەئەنجام مرافەیگ کوینە بویە، ک وەرجەیە لەبان سەگیگ بویەسە مرافەیان.