بوومەلەرزەیەک بەگوڕی ٣،٣ پلە بەپێوەری رێختەر پارێزگای ئەنبار رۆژئاوای عێراقی ھەژاند.
وەزارەتی گواستنەوەی عێراق لە راگەیەندراوێکدا ئاماژەی بەوەداوە کە کاتژمێر ٠٢:٤٧ی ئەمڕۆ یەکشەممە، بوومەلەرزەیەک بەگوڕی ٣،٣ پلە بەپێوەری رێختەر لە پارێزگای ئەنبار روویداوە.
راشیگەیاندووە، بەپێی ئەوەی لەلایەن روانگەی بوومەلەرزانی سەربە دەستەی گشتیی کەشناسی عێراق تۆمار کراوە، بوومەلەرزەکە لە دووری ٨٦ کیلۆمەتر باکووری رۆژئاوای قەزای روتبە رۆژئاوای پارێزگای ئەنبار روویداوە.
باسی لەوەش کردووە کە بوومەلەرزەکە لەلایەن ھاووڵاتییانەوە ھەستی پێ کراوە.
ئەوەیشی خستووەتەڕوو کە بوومەلەرزەکە زیانی گیانیی و ماددیی لێ نەکەوتووەتەوە.