دیجیتاڵ میدیای سپێده
لەمێژووی خۆیدا، ئەمریكا بەرزترین ئاستی مردن لەنێو ئافرەتان بۆ ساڵی 2021 تۆمار دەكات و رێژەی مردنی ئافرەتانی رەشپێست زیاتربووە لەئافرەتانی سپی پێست.
لەراپۆرتێكدا سەنتەری نیشتیمانی بۆ ئامارە تەندروستیەكانی ئەمریكا بڵاویكردەوە: لەساڵی 2021 دا ژمارەی ئەو ئافرەتانەی بەهۆی دووگیانیەوە گیانیان لەدەستداوە بەرزبۆتەوە بۆ هەزار و 205 حالەت. وراشیگەیاندوە: لەساڵی 2020 دا 861 ئافرەت لەماوەی دوو گیانی یان لەدوای لەدایكبوون گیانیان لەدەستداوە و 754 حالەتیش لەماوەی ساڵی 2019 دا تۆماركراون.
بەپێی راپۆرتەكە رێژەی ئافرەتان لەئەمریكا بەرزترین رێژە بووە لەنێو ئەو وڵاتانەی بەرزترین داهاتیان هەیە، بەڵام ژمارەی ئەو گیان لەدەستدراوانەی لەساڵی 2021 دا تۆماركراون بەرزترین بووە لەمێژووی ئەمریكا دا، لەوەتەی ناوەندی ساڵانی شەستەكانی سەدەی رابردوو.
ژمارەی ئەو ژنانەی لە تەمەنی 40 ساڵی دا لەماوەی ساڵی 2021 گیانیان لەدەستداوە 6.8 جار زیاتر بووە لەو ژنانەی لەخوار تەمەنی 25 ساڵی گیانیان لەدەستداوە.
راپۆرتەكە ئاشكرایكردوە: جیاوازییەكی زۆری رەگەزیش دەبیندرێت لەرێژەی گیان لەدەستدانی ئافرەتان، تەنها لەساڵی 2021 دا رێژەی مردنی ژنانی رەش پێست لەنێو ئەمریكا گەیشتووەتە 69.9 حاڵەت بۆ هەر 100 هەزار لەدایكبوونی زیندوو، بەمەش رێژەی گیان لەدەستدانی ئافرەتانی سپی پێست دەگاتە 26.6 حاڵەتی مردن بۆ هەر 100 هەزار لەدایكبوونی سەركەوتو.