سۆران-KDP.inf- ئەمڕۆ لەناو بینای بەڕێوەبەرایەتیی تەندروستیی سۆران تاقیگەی تایبەت بە دەستنیشانکردنی کۆڤید ١٩ بە ھاوکاریی زانکۆی سۆران و تەندروستیی سۆران کرایەوە.
مینا تەھا، بەرپرسی ڕاگەیاندنی تەندروستیی سۆران، بە ماڵپەڕی فەرمیی پارتی دیموکراتی کوردستانی ڕاگەیاند: "بە ھاوکاریی پارێزگای ھەولێر و زانکۆی سۆران و بەڕێوەبەری گشتیی تەندروستیی ھەولێر و تەندروستیی سۆران، ئەمڕۆ سەنتەری پشکنینی دیاریکردنی ڤایرۆسی کۆڕۆنا کرایەوە و لە سەرەتای ھەفتەی داھاتووەوە دەکەوێتە کار.'
ناوبراو ئەوەیشی ڕاگەیاند: "چیتر پێویست ناکات پشکنینەکان ڕەوانەی شاری ھەولێر بکەین، کارئاسانییەکی باش بۆ ھەڵگرانی ڤایرۆسەکە دەکات."
دەشڵێت: 'خۆشبەختانە لە ماوەی سێ ڕۆژی ڕابردوودا لە شارۆچکەی خەلیفان 222 ھاووڵاتی پشکنیەکانیان نێگەتیڤ بووە، ئەمڕۆش ٥٠ ھاووڵاتیی تر پشکنینان بۆ کراوە و چاوەڕێی ئەنجامەکانین."
سیروان سابیر