دیجیتاڵ میدیای سپێده
لە نزیک کەناراوەکانی قەزای ئورڵا سەربە پارێزگاى ئیزمیر، ٤١ کۆچبەری نایاسایی کە لەلایەن ئاسایشی کەناراوەکانی یۆنانەوە ناچارکرابوون بێنە سنوورە ئاوییەکانی تورکیا، رزگار کران.
بەپێی ئەو راگەیەندراوەی کە لە لایەن فەرماندەیی ئاسایشی کەناراوەکانی تورکیاوە بڵاوکراوەتەوە، دوای گەیشتنی زانیاری لەسەر بوونی کۆچبەری نایاسایی لەسەر بەلەمێکی لاستیکیدا لە نزیک کەناراوەکانی ئورڵا، تیمەکانی ئاسایشی کەناراوەکان ئاراستەی ئەو ناوچەیە کران.
تیمەکان ٤١ کۆچبەرەکەیان سواری سەر بەلەمێک کرد کە لەلایەن ئاسایشی کەناراوەکانی یۆنانەوە ناچارکرابوون بێنە سنوورە ئاوییەکانی تورکیا و دواتر گەیاندیاننە سەر وشکانی.
کۆچبەرەکان دوای راییکردنی کارەکانیان رادەستی فەرمانگەی کۆچی پارێزگاکە کران.