شەفەق نیوز/ پۆلیس سەیدسادق سەر وە پارێزگای سلیمانی، ئمڕوو سێشەممە، باندیگ پویچەوکرد ک لە چوار کەس پێکهاتوین تەقەڵای کلکردن بڕیگ فرە لە حەب قەیەغەکریاگ داوین ئەرا ئیران.
وەڕیەوبەرایەتی پۆلیس پارێزگای سلێمانی لە بەیاننامەیگ رەسیە ئاژانس شەفەق نیوز وت، " لەدویای رەسین زانیاری پێویست ک شمارەیگ کە گومانکریەێد حەب قەیەغەکریاگ وەپیان بویە و تەقەلای قاچاقکردنی دەن، لەدویای بڕیار دادوەر هێزەیل پۆلیس دەسکردن وە لێکۆڵینەوە".
وەڕێەوبەرایەتیەگە وتیش، چوارکەس دەسگیر کریانە (463) كارتۆن وەپیان گیریاس ک حەبەیل قەیەغەکریاگ لەناوی بویە، ک لە کۆگایگ لە زەڕایەن شاردبوینێ و تەقەلای کلکردنی ئەرا ئیران دانە، زانیاری زیاتر لەبان جویرەگەی بڵاو نەکریاس.
وتیش، هەر چوار تاوانبار وە رەگەز کوردن.