دیجیتاڵ میدیای سپێده
بەرەبەیانی ئەمڕۆ هەینی، سوپای ئیسرائیل هێرشی ئاسمانی بۆسەر شوێنەکانی بەرخۆدانی فەلەستینییەکان لە کەرتی غەززە دەستپێکرد، هەروەها بۆردومانی دەوروبەری شاری سۆر لە باشووری لوبنانیان کرد و ڕێوشوێنە ئەمنییەکانی قودسی توندتر کرد.
سوپای ئیسرائیل باسی لە بۆردومانکردنی 10 ئامانج لە کەرتی غەززە کرد کە هەموویان هی بزووتنەوەی حەماس نین و 3 ئامانج لە لوبنان، ئەم پێشهاتەش دوای ڕۆژێک دێت لە ئاراستەی دەیان موشەک لە باشووری لوبنانەوە بەرەو شوێنی نیشتەجێبوونی ئیسرائیل لە ڕۆژئاوای جەلیلە .
لە بەرامبەر ئەو هەڵمەتانەی کە چەند ناوچەیەکی کەرتی غەززەیان کردە ئامانج، بەرخۆدانی فەلەستین دەیان موشەکیان ئاراستەی شارۆچکەنشینەکانی دەوروبەری کەرتی غەززە کرد.
بۆردومانی ئیسرائیل بۆ سەر کەرتی غەززە لە کاتێکدایە کە ئیسرائیل حەماس تۆمەتبار دەکات بەوەی لە پشت هێرشە مووشەکییەکانی باشووری لوبنانەوەیە.