شەفەق نیوز/ ئاژانس "مهر" ئیرانی وت: هەناردەیل گاز سرووشتی ئەرا عراق لە مانگ نیسان وەشیەوی گەورەیگ زیایەو بوی.
ئاژانسەگە لەبان سایتی وەزوان ئینگلیزی ک ئاژانس شەفەق نیوز ئەڵگەردانی کرد وت: وەرپرس گەورەیگ لە وەزرات کارەبای عراق، وتیە: هاوردەی گاز لە ئیران ئەرا وەکارهاوردنی لە بەرهەم کردن کارەبای عراق رووژانە رەسیە ٣٠-٤٠ مەلیۆن مەتر شەشپاڵوو وە ماوەی مانگ نیسان ٢٠٢٣.
وەگورەی راپۆرتەگە، هەناردەی گاز ئیرانی ئەرا عراق سێ چوار گلە لە مانگ نیسان وەرانوەر ئەو مانگەیل ئمساڵ زیاترەو بویە.
وتیش: یەیش لە وەختیگ تیەێد ک عراق ئامادەکاری ئەرا ناویان سویەریگ کەێد هەناێ داوای سەردەکردن لە گشت ناوچەیل عراق رەسێدە ئاستەیل پەیمانەیی.
راپۆرتەگە وتیش: عراق ئەرا وەدەسهاوردن بەش فرەیگ لە گاز پشت وە ئیران بەسێد،
و بەغداد وەخشین لە سزایل ئەمریکا لەبان ئیران کەفتە دەسی، تا بتوەنێد سەرچەوەیل وزە لە ئیران هاوسای بارێد.
راپۆرتەگە هەمیش وت: گەورە وەرپرسەیل حکومەت عراق لەی مانگەیل دویاییە سەردان ئیران کردن ئەرا گفتوگۆ لە زیایکردن هاوکاری لە چین وزە ناوبەین دوو وڵاتە هاوساگە، ک عەبدولەتیف رەشید سەرۆک کۆمار لەناویان بوی ک لە رووژ شەممە یەکەمین سەردان فەرمیی ئەرا تەهران وەڕیەو برد.
ئەڵگەردان: ئاژانس شەفەق نیوز