شەفەق نیوز/ سەرچەوەیگ ئەمنی لە سەڵاحەدین، ئمڕوو دووشەممە، خەوەردا لە کەفتن ٥ قوربانی و زەخمدار، لە ئەنجام مرافەیگ خیزانی لە باشوور پارێزگاگە.
سەرچەوەیگ لە راگەیانن پولیس سەڵاحەدین ئەرا ئاژانس شەفەق نیوز وت: جەنگ و مرافەیگ کەفتە ناوبەین ئاموزایل لە ئاوای بو نسەیف لە قەزای دجێل.
وتیش: رویداوەگە رەسیە کەفتن ٣ قوربانی یەکیگیان (عەقید محمد عەلی ئیبراهیم خەزرەجی) بوی لە بنکەی پولیس دجێل، و ئەندامیگ حەشد شەعبی وەناو یونس دەحام، وەگەرد کەسیگ مەدەنی، و دوو کەس مەدەنی زەخمدار بوین.