شەفەق نیوز/ ٦ کەس گیانیان لەدەس دان، وە رویداو هاتوچو لەبان ری زوینە لە ویلایەت ئلینۆی ئەمریکا، دویای هەڵسیان خوەڵوتووز، و کەمەوبوین ئاست نووڕین، ١٠٠ ماشین لەبان ئەو ریە لەیەکدان.
پولیس ویلایەت ئیلینۆی لە بەیاننامەیگ وت: نزیکەی ٤٠ تا ٦٠ ماشین ساڵۆن وەگەرد ٣٠ ماشین بارهەڵگر کەفتنە ناو تەڵەی رویداوەگە لە ویلایەتەگە، لەوەر ئەو وای تونە ک خوەڵوتووز لە زەویەیل کشتوکاڵی هاوردە بان ریەگە.
بەیاننامەگە وتیش: دوو ماشین بویچگ لەناو رویداوەگە ئاگر لەلیان هیز گرد، لەو رویداوە ک وەکەرد شەوەکیان بوی وە درویژی سێ کێلومەتر لەبان ری ناوبەین شار شیکاگۆ و سانت لویس.
پولیس وتیش؛ زیاتر لە ٣٠ زەخمدار بریانە خەسەخانە.