دیجیتاڵ میدیای سپێده
لە ئاکامی ھێرشکردنە سەر خانەیەکی بێ سەرپەرشتان لە گوندێکی ناوەڕاستی پۆڵەندا کە بە چەقۆ ئەنجامدرا، کەسێک کوژرا و نۆی دیکەش برینداربوون.
پەخشی گشتی "TVB" بڵاوی کردەوە، ھێرشەکە لەلایەن گەنجێکی (١٩ ساڵ) لە گوندی تۆمیسلاویچی ناوەڕاستی پۆڵەندا ئەنجامدراوە و لە ئاکامدا، کچێکی (١٦ ساڵ) کوژراوە و نۆ کەسی دیکەیش برینداربوون کە پێنجیان بۆ چارەسەرکردن گواستراونەتەوە نەخۆشخانە.
راشیگەیاندووە ئەنجامدەری ھێرشەکە دوای یەک کاتژمێر لە کردەکە لە ماڵەکەی خۆیدا دەستگیرکراوە و ھیچ پێشینەیەکی تاوانکاری نییە.
باسی لەوەیش کردووە کە پۆلیس لە شوێنی تاوانەکە بە سەرپەرشتی داواکاریی گشتیی لێکۆڵینەوەکانی دەست پێ کردووە بە ئامانجی زانینی ھۆکارەکانی ئەنجامدانی ھێرشەکە.