شەفەق نیوز/ وەڕیەوبەرایەتی خەسەخانەی ڤیتێرنەری لە دیالە، ئمڕوو دووشەممە، توومارکردن چوارەم تویشهاتن وە تەو خوینوەربوین وەماوەی ئی ساڵە راگەیان.
خانمە وەڕیەوبەر خەسەخانەگە ئیبتسام حاسم محمد ئەرا ئاژانس شەفەق نیوز وت: قەساویگ لە تەمەن ٣٠ ساڵان خەڵک ئاوای مەسعودیە دەورگرد قەزای بەلەدروز تویش تەو خوینوەربوین هات.
وتیش: تیمەیگ هاوبەش لە تەندروسی و ڤیتێرنەری رەسیە شوینەگە و ریکارەیل تەندروسی و مقیتبوین جیوەجی کرد، وەگەرد پیشکەشکردن وانەیگ هوشداری لە بیماریەگە.
خانمە وەڕیەوبەر خەسەخانەی ڤیتێرنەری دیالە وت: چوار تویشهاتن لەی ساڵە توومار کریاگە، یەکیگیان سەربازیگ بوی لە دەیشت پارێزگاگە تویش ببماریەگە هات و لەناو دیالە مرد.