شەفەق نیوز/ زەویلەرزەیگ وەتونی ٤.٤ پلە لەبان پەیمانەی ریختەر، ئمڕوو دووشەممە، داد لە شار سفید سنگ لە پارێزگای خوراسان رەزەوی باکوور خوەرھەڵات ئیران.
ناوەند زەویلەرزەناسی لە زانکۆی تەهران وت: زەویلەرزەگە لە ساعەت ١:١٥ شەفەق ئمڕوو دووشەممە، وە وەخت ناوخوەیی وەقویلی ٧ کیلۆمەتر بویە.
سەنتەر زەویلەرزەگە لەبان کڕ پانی ٣٥.٧٦ وەرەو باکوور و کڕ درویژی ٦٠.٣٤ وەرەو خوەرھەڵات توومار کریا.
میدیایل راگەیانن ئیران دووپات کردن ک تا ئیسە هویچ خەوەریگ لە زەردە ئی زەویلەرزە نەڕەسیە.