شەفەق نیوز/ بزووتنەوەی تاڵیبان، ویرانکردن ١٨ دەزگای سنووری ئیرانی راگەیان، و وتیش؛ ئەگەر شێخەیل ری بیەن، دەسنەیمنە بان تەهران.
فەرمانگەی پەیوەندیەیل کۆمەڵای بزووتنەوەی تاڵیبان لە بەیاننامەیگ وت: سوپای پاسداران پەلامار تیرۆری لە خاڵەیل سنووری جیوەجی کردنە، و ئیران تا ئیسە وەرخودان هازداریگ نشان نەیایە، و دیارە ک سوپای ئیران بیهاز و دویەتانەس.
لەلای خوەییش، عەبدولحەمید خوراسانی سەرکردە لە بزووتنەوەی تاڵیبان لە وتاریگ وت: ئیوە لە ژیروەژیرەو هاینە گەرد خوەرئاوا، و ئیمە موسوڵمان راسییمن، و ئەگەر شێخەیل ری وەپیمان ببەن، وەنە دەسنەیمنە بان تەهران.
ئەو مشتومڕە ناوبەین تەهران و کابوڵ چوودە ئەرا ناوچەیگ گوڵەم ئاو هاناوی کەفێدە بان سنوور هەردوگ وڵاتەگە، و هەردوگ لایەنەگە توومەت و وەردەوەردە کەن.
لایەن ئەفغان وت: جەنگەگە رەسیە کوشیان یەک سەرباز لە هەر لایەنیگ، و شمارەیگ زەخمداریش هەس، و دەسەڵاتەیل ئیران وتن: دووان لە پاسەوان سنوور کوشیانە، لە وەختیگ میدیایل راگەیانن باس کەفتن سێ قوربانی کەن.