سەر لەبەیانی ئەمرۆ سەربازانی سوپای ئیسرائیل هەڵیانكۆتاوەتە سەر چەند ماڵێكی هاوڵاتیانی فەڵەستینی لەكەرتی رۆژئاوا وبەهۆیەوە 33 كەسیان دەستگیركردوە.
یانەی دیلەكانی فەڵەستین بڵاویكردەوە: سەر لەبەیانی ئەمرۆ سوپای ئیسرائیل هەڵیانكۆتاوەتە سەر چەند ماڵێك لەناوچەی تەقۆع لەپارێزگای بەیت لەحم وبەهۆیەوە 33 كەسیان دەستگیركردوە.
تا ئێستاش سوپای جولەكە هۆكاری دەستگیركردنی ئەو 33 هاوڵاتییەی فەڵەستینی ئاشكرای نەكردوە.
لەكاتەكانی درەنگانی شەو نزیك بەكاتی بەیانیان، هێزەكانی سوپای جولەكەی داگیركار هێرش دەكەنە سەر ماڵی فەڵەستینیەكان بۆ ئەوەی كەمترین رووبەرووبوونەوە لەگەڵ فەڵەستینیەكان دروست ببێت وكارەكانیان بە ئەنجام بگەیەنن.
هەروەها جولەكە نیشتەجێكراوەكان وسەربازانی سوپای ئیسرائیلی دەروازەی گوندی لەبەنی شەرقی لەپارێزگای نابلسیان داخستووە وهاتووچۆی ئەو ناوچەیان راگرتووە، ئەمەش بەهۆی بەرێوەچوونی مەراسیمێكی ئایینی تایبەت بە جولەكەكان.