شه‌فه‌ق نيوز/ بڕياره له ماوه‌ى چه‌ن رووژيگ ئاينده گه‌وراترين كارخانه‌ى دروسكردن ده‌مامك له‌لايه‌ن حكومه‌ت ناوچه‌يى له پاريزگاى هه‌ولێر پايته‌خت هه‌رێم كوردستان واز بكريه‌ێد.
له‌ى باوه‌ته‌و، حكومه‌ت ناوچه‌يى له به‌ياننامه‌يگ ئه‌را شه‌فه‌ق نيوز وت: فرسه‌ت سۆفى پاريزگار هه‌ولێر پشتگيرى ته‌واويگ له كۆمپانياى(جه‌هان پزيشكى)جه‌هانى له‌ى باوه‌ته‌و وه‌رگرتگه‌و بڕياريشه له ماوه‌ى چه‌ن رووژيگ ئاينده گه‌وراترين كارخانه‌ى به‌رهه‌مهاوردن و دروسكردن ده‌مامك پزيشكى له شاره‌گه واز بكريه‌ێد.
جى باسه، به‌ياننامه‌گه باس له‌وه‌يش كرد ئى كارخانه وه ديزاينيگ جه‌هانى و باڵا له‌بان ئاست عراق و ناوچه‌گه واز ئه‌كريه‌ێد و واناى به‌رهه‌مهاوردنى مانگانه ره‌سيده 10 مليۆن ده‌مامك، ك بيجگه يه‌يش دڵنگ پزيكييش دروس ئه‌كا وه‌ل دروسكردن ئه‌و كه‌ره‌سته‌يليشه ك ئه‌چنه بوار نه‌شتگه‌رى.